Neteweyên Yekbûyî(NY) piştî miriba sê sivîlan û birîndarbûna 14 kesan daxuyanîyek weşandiye. NYyê eşkere kiriye 3 milyon kes ne di rewşeka ewle de ne.
Daxuyanîya NYyê, berdevkê sekreterê giştî Stephane Dujarricî xwendiye. Wî daye zanîn “êrîşa li Idlibê dê bandorê li jiyana 3 milyon kesan bike.”
Durricî xwestiye ku divê hemî alî guh bidin hevpeymanên navneteweyî. Wî bangî Tirkiye û Rûsyayê jî kiriye û gotiye divê ew li gor Hevpeymana Idlibê tev bigerin.
Li gor daxuyanîyê di sê mehan de 500 hezar kesan bi mecbûrî mala xwe bar kiriye.
Nêzîkî 4 milyonan kes li Idlibê dijîn. Ji destpêka şerê navxweyî heta niho Idlib wek qeleya muxalifan e.
Tirkiye, Rûsya û Îranê 4-5ê Gulanê piştî hevdîtin û civînan bajarê Idlibê wek “Herêma Kêmkirina Pevçûnan” îlan kiribû.