Navenda Nûçeyan - Nêçîrvan Barzanî di vê peyama sersaxîyê de xemgînîya xwe û herwiha hevxemîya xwe bo malbatên herdu pêşmergeyên şehîd nîşan daye û ragihandîye: “Sersaxîyê ji malbat û kesûkarên herdu şehîdên pêşmerge yên qehreman Sorkêw Reşîd û Îsmaîl Faris re dixwazim ku li sînorê bajarokê Kolecoyê li Germîyanê di rûbirûbûna li gel terorîstên DAIŞê de canê xwe feda kirin û şehîd bûn.”
Serokê Herêma Kurdistanê herwiha dibêje: “Ez hebeşê xema wan im, xwedayê mezin rihê şehîdan şad bike û sebrê bide malbat û kesûkarên wan ên serbilind.”
Şeva bihorî derengîya şevê li sînorê bajarokê Koleco yê li devera Germîyanê, çekdarên DAIŞê êrîşî hêzên Pêşmerge kiribûn.
Hêzên Pêşmerge jî bi tundî bersiv dabûn û ew êrîşa DAIŞê têk biribûn, lê di encama rûbirûbûnê de 2 Pêşmerge şehîd bibûn.