Navenda Nûçeyan- Parlementoya Iraqê duhî li ser kuştina Qasim Sulêymanî û Ebû Mehdî Mihendis ji alîyê Amerîka ve, civîya û biryara derxistina hêzên Amerîkî ji Iraqê da û ji hikûmetê xwast wê biryarê bicîh bîne.
Serokê bizava Sedir, Muqteda Sedir rexne li helwesta parlementoyê girt û ragihand, parlementoya Iraqê bi awayekî şermok bersiva zordarîya Amerîka daye. Lazim bû yekser rêkeftinên bi Amerîka re hilweşandiba û pêwendîyên xwe bi Amerîka re qut kiriba.
Muqteda Sedir bang li parlemento û hikûmetê kir yekser pêwendîyên xwe bi Amerîka re qut bikin, balyozxaneya wî welatî bigirin û tevahîya hêzên Amerîkî jî ji Iraqê derxînin.
Wî mezinê şîeyên Iraqê hikûmet û parlemento tehdîd kirîye û gotîye, eger wisa nekin ewê helwestek din nîşan bidin.
Basnews