Roja înê (11.01.2019) Alternatîfa Kurdî li Danîmarka (AKD) çalakiyekî pêk anî, ku em ketin kûrahiya klasîka Ehmedê Xanî, Mem û Zîn. Di destpêkê de Nûpel û Şoreş (Du ji berpirsên AKD) bi çend stranên xweş bernameyê vekirin.
Taybet strana Mem û Zîn ku di fîlma kevn hatiye bihistin pêşkêş kirin.
Piştre Zana (yek ji endam û berpisê AKDê) pêşkêşiyeke kurt li ser, nerîna netewperestî û siyasî ya Ehmedê Xanî kir.
Piştre, axaftvana me ya serekî, Orhan Dogru ku romanivîsê kurd e, roman û wergerên wî bi zimanê Danimarkî ne û Mem û Zîn vegerandiye zimanê Danmarkî, axaftineke dirêj li ser jiyan û nêrîna Ehmedê Xanî û destana êvîniyê, çîrok a Mem û Zîn û çend berhemên din ên çirokî anî ziman. Beşdar dibêjin; Me êvareke xweş dabûrand. Ji tamaşekirina flîma Mem û Zîn a kevin gelek kêfxweş bûn.
Li ser navê AKDê Şoreş Qilîçî sipasê beşdaran kir û hêvî kir ku di çalakiyên bi vî rengî de hev bibînin.
Û got; Em ê bi kefxweşî bi bernameyên bi vî rengî mazûvaniya we bikin..
Rûpela Nû/Danmark