Serokomarê Fransayê Emmanuel Macron di serdana xwe ya Beyrutê de rojnamevanan jê pirsî, Serokkomarê Tirkiyê gotiye tişta Fransa li Lubnanê dike kolonyalîzm e, hun li ser vê çi dibêjin?
Emmanuel Macron jî bersiv dide û dibêje ku “Erdogan bi xwe baş ji wan tiştan fam dike, tişta em dikin hevkarî ye, lê tişta ew li Sûriyê dike û şerê Kurd dike, ew destêwerdan e ne ku tişta Fransa dike.”
Macron wiha axivî: “Ev gelekî asan e, dema Tirkiyê Sûriye dagîr kir daku şerê Kurd bike û êdî êrîşî bakurê Sûriyê kir bêyî razîbûna xelkê Sûriyê, bêyî razîbûna hikûmeta Sûriyê, eve ew tişt e ku jê re dibêjin destêwerdan. Lewra rêzdar Erdogan van tiştan baş dizane. Dema Fransa tê hevkariya xelkê Lubnan dike, li ser daxwaza xelkê Lubnanê ye û em bi awayekî dostane kar dikin, dema em behsa hevkariyê dikin, ew bi rastî hevkarî ye.”