Beriya serdana Serokomarê Tirkiyê Recep Tayyip Erdoğanî bo Elmanyayê, Wezîrê Derve yê Almanyayê Heiko Maas di daxuyaniyekê de nîgeraniyên Berlînê yên li ser têkiliyên aborî yên bi Tirkiyê re anî ziman.
Li gor medyaya Almanyayê jî kompaniyên wî welatî guvaşên li ser hikûmeta Almanyayê zêde kirine û daxwaza mîsogeriya yasayî dikin.
Wezîrê Derve yê Almanyayê Heiko Maas berî serdana Erdogan bo Almanyayê ji medya welatê xwe re axivî û da zanîn, ku kompaniyên Almanî karê weberhênanê li Tirkiyê bi xeternak dibînin û got: "Ev yek zêdetir ji bo karmendên Tirk bûye cihê metirsiyê. Eger karmendên Tirk bibin qurbaniyên dadweriya Tirkiyê, ev yek qet alîkariya zêdebûna daxwaza weberhênanê nake.