Lîsteya serokên beşdarî Lûtkeya Aştiyê ya Şarm el-Şêx dibin hate ragihandin

 Li gorî agahiyan, gelek serokên dewletan, di nav wan de Serokkomarê Misrê Ebdulfettah el-Sîsî û Serokkomarê DYA Donald Trump, wê beşdarî Lûtkeya Aştiyê ya Şarm el-Şêx li Misrê bibin.

Li gorî ajansa nûçeyan a fermî ya Misrê, MENA, kesayetên serokatiyê, qraliyetê û emîriyê yên jêrîn wê beşdarî Lûtkeya Aştiyê ya Şarm el-Şêx bibin:

"Serokê Misrê Ebdulfettah el-Sîsî, Serokkomarê DYA Donald Trump, Serokkomarê Tirkiyeyê Recep Tayyip Erdogan, Qralê Urdunê Abdullah II, Emîrê Qeterê Şêx Temîm bin Hemed El Thanî, Qralê Behrêynê Hemed bin Îsa El Xelîfe, Serokkomarê Filistînê Mehmûd Abbas, Serokkomarê Endonezyayê Prabowo Subianto, Serokkomarê Azerbaycanê Îlham Eliyev, Serokkomarê Fransayê Emmanuel Macron û Serokê Rêveberiya Qibrisê ya Yûnanî ya Başûrê Qibrisê Nikos Christodoulides."

Tê payîn ku Almanya, Iraq, Keyaniya Yekbûyî, Îtalya, Spanya, Yûnanistan, Ermenistan, Macaristan, Pakistan, Kanada, Norwêc, Emîrtiyên Yekbûyî yên Erebî (UAE) û Kuweyt di asta serokwezîr de beşdarî lûtkeyê bibin.

Wezîrê Derve yê Umanê Bedr el-Busaidi, Sekreterê Giştî yê Neteweyên Yekbûyî Antonio Guterres, Sekreterê Giştî yê Lîga Ereban Ehmed Ebû Xeyt, Serokê Konseya Ewropayê Antonio Costa, Wezîrê Derve yê Hindistanê Subrahmanyam Jaishankar, û Balyozê Japonya li Qahîreyê Fumio Iwai jî beşdar dibin.

Di daxuyaniyek nivîskî de, Serokatiya Misrê ragihand ku "Civîna Aştiyê ya Şarm el-Şêx" wê sibê, bi serokatiya hev-Serokê Ebdel Fettah el-Sîsî û Serokê Amerîkayê Donald Trump, bi beşdariya rêberên ji zêdetirî 20 welatan were lidarxistin.

Serokê Amerîkayê Trump di 9ê Cotmehê de ragihand ku Îsraîl û Hamasê di dema danûstandinên li Misrê de qonaxa yekem a plana agirbesta Xezzeyê pejirandine.

Peyman li Misrê, ku danûstandin lê diqewimin, hate îmzekirin û di saetên serê sibê yên 10ê Cotmehê de, bi pejirandina hikûmeta Îsraîlê, ket meriyetê.

Êrîşên Îsraîlê yên li ser Şerîda Xezzeyê di navbera 8ê Cotmeha 2023an û peymana agirbestê de bûn sedema mirina 67 hezar û 682 kesan û birîndarbûna 170 hezar û 33 kesan.