Wezîrê Navxwe yê Tirkîyê Suleyman Soylu ragihand ku firokeya model 2015 ku ji roja Duşemê ve li Wan û Colemêrgê keşif û çavdêrîyê dike roja 15ê Tîrmehê demjimêr 18.35 ji Firokexaneya Ferit Melen a Wanê bi armanca çavdêrîkirinê rabûye.
Soylu dîyar kir ku di nav firokeyê de 2 jê polîs 7 endamên ewlekarîyê hebûn û got: “Derdora demjimêr 22.32 deqeyan herî dawî dema di ser Elbakê re difirî ligel firokexaneyê dikeve têkilîyê û vedigerîya. Piştre derdora 22.45 deqeyan bi tevahî peywendî qut bû.”
Soylu got ku tîmên wan derdora 03.00ê berê sibehê çûne navçeyê û dîtine ku firokeya wan li Çîyayê Artosê ketîye û şikestîye. Soylu dîyar kir ku di nav firokeyê de du jê firokevan 7 karmendên ewlekarîyê canê xwe ji dest dane.
Derbarê sedema ketina wê firokeya çavdêrîyê de heta niha ti zanyarîyek nehate belavkirin.