Festîwal di navbera 2-12 ê êlûnê de têkirin. Rêvebirê festîwalê Alberto Barbera, di destpêka axaftina xwe de got:
“Bo her kesê ku di sektora sînamayê de dixebite, ev peyama hevdestekkirinê û cesaretê ye.”
Serokatiya jûriya festîwalê leystikvana Awûstralyayî Cate Blanchett dike. Cate Blanchett, bo rêvebirên festîwalê mûcîzeyekî afirandine, wan pîroz kir. Blanchett weha got:
“Bo destekê bidim wan kesên ku di şertên zor û zahmet de dixwazin fîlmên xwe temam bikin, tevlî festîwalê bûm. Di dewra pandemiyê de me gelek zahmetiyan dît. 6 meh ez bi mirîşk û berazan re axifîm. Bi sedema ku niha bi mezinan re diaxifim gelek bi heyecanim.”
Di merasima destpêka festîwalê de maske mecbûriye. Bo merasima “xaliya sor” Cate Blanchett leystikvan Tilda Swinton û Matt Dillon tevlî bûn. Jimara dawetvanan hat kêmkirin. Salonên ku fîlm tên nîşandan û merasim tên kirin, berya beşdarvan bikevin salonan agirê wan tê pîvandin, maske û di navbera kursiyan de mesafe zêde heye.
Di merasimê de bo leystikvana Brîtanî Tilda Swintonê xelata “serkeftinê ya heya bi heyayê” hat dayîn. Bo xelata festîwalê ya herî mezin bo “Şêr ê Zêr” wê 18 fîlm bikevin pêşbirkê.