– Li Tirkiyeyê sepana medyaya civakî Discord hat qedexekirin.
Wezîrê Dadê yê Tirkiyeyê Yilmaz Tunç ragihand ku li ser daxwaza Serdozgeriya Komarê ya Enqereyê, sepana medyaya civakî Discord hatiye qedexekirin.
Yilmaz Tunç di daxuyaniya li ser hesabê xwe yê medyaya civakî diyar kir, têra xwe guman hene ku li ser platforma medyaya civakî ya bi navê Discordê sûcên "îstismara cinsî ya zarokan û mustehcenî" tên kirin.
Tunç destnîşan kir ku wan li ser daxwaza Serdozgeriya Komarê ya Enqereyê, bi destê Dadgeriya Sulh û Ceza ya Enqereyê sepana medyaya civakî Discord qedexe kiriye.
"Em dê ti wextî destûrê nedin"
Wezîrê Dadê bal kişand li ser wê yekê ku ew bi biryar in, zarokan ji weşanên bi zerer ên medyaya civakî û înternetê biparêzin û got:
“Em dê ti wextî destûrê nedin wan hewldanan ku dixwazin bingeha civaka me hilweşînin."