Navenda Nûçeyan - Rêveberê çandinê li qeza Şingalê Şeref Nayif ji BasNewsê re ragehand: ‘’Sala borî rêjeyekî zêde ya dexil û danê cotyarên Şingalê hate şewitandin. Îsal jî metirsîyek mezin li ser dexil û danê cotyarên Şingalê heye. Ji ber berhemê dexil û dan pir başe li deverê û naha ber bi hişkbûnê ve diçe û hîn ew şîyan nehatine dabîn kirin bo pêşîgirtina li rewşên şewata dexil û dan, herwaha amûrên agir temirandinê nînin û em daxwazê dikin amûrên agir vemirandinê bo cotyarên Şingalê bên dabîn kirin, ku cotyar bikarin bergirîyê li dexil û danê xwe bikin li hember metirsîya şewatê.’’
Herwaha dîyar kir: ‘’Îsal zêdetir ji 560 hezar donimên dexil û dan li Şingalê hatine çandin û pêşbînî tê kirin berhemekî zêde yê dexil û dan bê rakirin. Ji ber îsal bêhtir cotyaran dexil û dan çandine.’’
Navborî got: ‘’Îsal jî gelek metirsî li ser berhemên cotyarên Şingalê heye. Şewata dexil û dan îsal jî dibe ku pêkbê û berhemê îsal jî gelek başe. Em hêvîdarin alîkarî ji bo me bê kirin ku amûrên agir temirandinê hebe.’’