Li Rûsyayê balefira ku çetirbaz ango pereşûtbaz têdebûn ji ber di motora wê de pirsgirêk derket xwest bilez dakeve, lê di dema daketinê de ket û di bûyerê de 2 jê balefirvan bi giştî 9 kesan jiyana xwe ji dest dan, 15 kes jî birîndar bûn.
Li Herêma Federal a Sîbîrya ya ser bi Rûsyayê, di balefira cot motor a cureya Let L-410 a ser bi Civata Hevkarî dilxwaziya Kemerovo ya Artêşa û Hêzên Esmanî (DOSAAF) de pirsgirêkên teknîkî derket û ji ber di motorekî balefirê de pirsgirêk derket, balefirê xwest bi awayekî lez dakeve û dema daketinê de jî ket xwarê.
Li gor daxuyaniya DOSAAFê çetirbazên ku di balefirê de bûn ji wan 9 kesan jiyana xwe ji dest dane û 15 kes jî birîndar bûne. Hat ragehandin ji birîndarên rakirine nexwaşxaneyê jî rewşa 4 kesan giran û metirsîdar e.
Hat ragehandin dozgerên Rûs li cîhê bûyerê lêkolînê dikin û piştî komkirina hemû parçeyên balefirê dê lêkolîna teknîk destpê bike.