Navenda Nûçeyan- Şeva borî li bajarê Necef yê Iraqê, alîgir û milîsên girêdayî Muqteda Sedir, ku vê dûmahîkê ji wan re dibêjin “kumşîn”, bi kêran û daran êrişî xwepêşanderan kirin.
Li gorî agahîyan, di wê şer û alozîyê de herî kêm heşt kes hatin kuştin û nêzîkî 100 kesan jî birîndar bûn.
Ji ber wan alozîyan, wezîrê navxwe yê Iraqê çû Necefê. Ji ber heman sebebê îro li Necefê bêhnvedan e.