Li navenda bajarê Colemêrgê aloziyeke mezin çêbû.
Li gorî agahiyan, li Colemêrga Bakurê Kurdistanê 3 kesan ji nava otomobîlekê tiştên ne xweş gotine xelkê.
Li ser vê yekê, gelek welatiyên ku li herêmê kom bûn otomobîl rawestand û wan hewl da li kesên di nava otomobîlê de bixin.
Bûyer di demeke kurt de veguherî aloziyeke mezin û polîs sewqî cihê bûyerê hatin kirin.
Piştî bûyerê gelek esnaf neçar man ku dikanên xwe bigirin.
Polîsên ku sewqî herêmê hatin kirin, ji bo belavkirina girseyê gaza rondikrêj bi kar anî.
Kesek birîndar bû
Girseya gel li ber avahiya Parêzgariya Colemêrgê kom bû û xwest ku Parêzgar bi wan re biaxive.
Pişt re birêvebirên Rêxistina DEM Partiyê ya Colemêrgê û Endamên Meclisa Giştî ya Bajêr hatin cihê bûyerê û wan bangî girseyê kir ku aram bin.
Girseya gel li ser banga rayedarên DEM Partiyê ji herêmê vekişiya û alozî bi dawî bû.
Di aloziyê de endamekî hêzên ewlehiyê jî birîndar bûye.
Di dîmenan de xuya dibe ku xisareke mezin gihaye otomobîlê.
MA: Ew leşker in
Li hêla din, Ajansa Mezopotamyayê (MA) ragihand ku ew 3 kes çawisên pispor in.
Ajansa Mezopotamyayê diyar kir ku wan çend caran li ser hev dengê muzîkê zêde kiriye, zelk aciz kiriye û li ser hev di heman cihî re çûne û hatine.