Navenda Nûçeyan - Walîtîya Mêrdînê daxuyanîyek belav kir û li gor wê daxuyanîyê, encamdana hemû core çalakîyan li sînorê wê parêzgeha Bakurê Kurdistanê bo maweyê 30 rojan hatine qedexekirin.
Li gor daxuyanîya hatîye belavkirin, çalakîyên weke civîn, meş, mitîng, daliqandina pankartan, daxuyanîyên ragihandinî, xwepêşandan, konsêrt, belavkirina belavokan, vegirtina çadiran û hemû çalakîyên bi wî rengî, ji 16ê Hezîranê heta 15ê Tîrmehê hatine qedexekirin.
Walîtîya Mêrdînê dîyar jî kirîye ku kesên ku pabendî qedexeyê nebin dê bên cezakirin.
Ev di demekê de ye ku Partîya Demokratîk a Gelan (HDP) îro ji bajarên Colemêrg û Edîrneyê ‘meşa demokrasîyê’ ber bi Enqerê ve daye destpêkirin û berî niha bi mebesta rêgirîya li vê meşa HDPê, li hejmareke bajarên Bakurê Kurdistanê û Tirkîyê weke; Colemêrg, Bedlîs, Wan, Şirnex, Edîrne, Kocaelî, Sakarya û Tekirdagê, encamdana çalakîyan hatibûn qedexekirin.