Li parêzgeha Laziqiyeyê ya Sûriyeyê qedexeya derketina derve hat ragihandin.
Fermandariya Ewlehiya Navxwe ya Laziqiyeyê daxuyaniyeke nivîskî belav kir û ragihand ku li bajêr qedexeya derketina derve hatiye îlankirin.
Qedexe heta sibe dewam dike
Li gorî daxuyaniyê, qedexe îro saet 17:00an dest pê dike û dê heta sibê (31ê Kanûna Pêşîn a 2025an) saet 06:00an berdewam bike.
Di daxuyaniyê de hat destnîşankirin ku rewşên lezgîn, personelên tenduristiyê, tîmên ambulans û agirvemirandinê ji vê qedexeyê bêpar in.
Li herêma peravê çi qewimîbû?
Serokê Konseya Îslamî ya Elewiyên Sûriye û Diasporayê Şêx Xezal Xezal bangî alîgirên xwe kiribû ku xwenîşandanan bikin.
Li ser vê bangê, 28ê Kanûna Pêşîn li parêzgehên Laziqiye, Tertûs û Himsê li çend cihê cuda xwenîşandan hatibûn lidarxistin.
Şêx Xezal Xezal, piştî êrişa 26ê Kanûna Pêşîn a li Himsê ku li mizgefteke Elewiyan hatibû kirin û 8 kesan canê xwe ji dest dabû, daxuyanî dabû.
Wî daxwaza "federasyona siyasî û parastina navneteweyî" kiribû û bangî alîgirên xwe kiribû ku dakevin qadan.
Di wan xwenîşandanên dijî birêvebiriya Şamê de ku car caran tundî tê de derketibû, 4 kes miribûn û 108 kes jî birîndar bûbûn.