Di êrîşeka çekdarî de, Hîşmetullah Felahpîşe parlementerê navçeya Dalaho û Îslamawa ya bi ser parezgeha Kirmaşana Kurdistana Rojhilat ve di parlementoya Îranê de, û qayimeqamê Dalaho Feramerz Ekberî birîndar bûn û çend kesên din jiyana xwe ji dest dan.
Li gor Ferhad Tacerî, parlementerê navçeya Qesrî Şîrîn a bi ser parêzgeha Kirmaşanê ve, êrîş ji bal 4 çekdaran ve hatiye pêkanîn ku piştre bi piyan ji cihê bûyerê dûr ketine.
Di nav kuştiyan de, şofêrê qayimeqamê Dalaho û pizijkekî ajalan bi navê Hucetullah Nîk Ezm hene.
Parêzgeha Kirmaşana Kurdistan Rojhilat dikeve Rojavayê Îranê de û piraniya xelkê wê kurdên şi'e mezheb in.
Heta niha tu aliyekê berpirsiyariya vê êrîşê ne xistiye stûyê xwe.
(E.B)