Li Îranê ji ber pêketina bi vîrusa korona Covid – 19ê di 24 demjimêran de 458 kesan jiyana xwe ji dest dan û bi giştî jî hejmara kesên ji ber wê vîrusê jiyana xwe ji dest dane geheşt 38 hezar û 749 kesan. Ev rêje li Îranê wek asta herî bilind a heta naha hate tomar kirin.
Berdevka wezareta tenduristiya Îranê Sîma Sadat Larî bi daxuyaniyekî ragehand, di 24 demjimêran de 458 kesên pêketî jiyana xwe ji dest dane û herwaha di 24 demjimêran de 10 hezar û 463 pêketiyên din hatine tomar kirin.
Sîma Sadat Larî got, bi giştî jî hejmara kesên jiyana xwe ji dest dane geheştiye 38 hezar û 749 kesan û hejmara kesên heta naha li Îranê bi vîrusa korona jî ketine bi giştî geheştiye 692 hezar û 949 kesan.
Li gor heman daxuyaniyê heta naha 525 hezar û 641 pêketiyên vîrusa koronayê jî baş bûne.