Navenda Nûçeyan - Li gor nûçeya ajansa Karkerên Îranî (ILNA), ji endamên lêjneya serokatiya meclisê Mihemed Reza Tabeş, parlamenter û karmendên parlamentoyê re testa Covid – 19 hatiye kirin.
Mihemed Reza Tabeş ragehand: ''Encamên testên 11 parlamenteran pozîtîf derketiye.'' Herwaha got hîn hemû encam derneketine lê dibe ku testên 50 parlamenteran pozîtîf be.
Li Îranê ji 3 hezar û 700 kesî zêdetir mirin ji ber vîrusa korona pêkhatine û berî naha jî 23 parlamenter testên wan pozîtîf derketibû. Herwaha parlamentera Tehranê Fatma Rehber, 7ê Adarê ji ber wê vîrusê jiyana xwe ji dest dabû û serokê parlamentoya Îranê Elî Larîcanî jî encamên testa wî pozîtîf derketibû.