Li navçeya El-Îs ku dikeve başûrê parêzgaeha Helebê û hevsînorê Idlib û Hemayê, çekdarên Cebheya Niştîmanî Bo Rizgarkirinê ya ser bi Tirkiyê ve rêkevtina Putin-Erdogan bo devera bêçek cîbicîh dikin, herwiha xalên çevdêriyê yên li ser çeperên şer, li dijî artêşa Sûriyê li deverê qayim dikin.
Bi gotina fermandarekî cebheya navborî wan dever ligor rêkevtinê ji çekên giran vala kiriye, lê ew ti carî deverê bicîh nahêlin.
Fermandarê Cebheya Niştîmanî, Ebû Welîd dibêje: "Em li gor rêkevtinê çekên giran ji deverê vedikişînin, plana me berdewam e, em dixwazin ev pirs bi yekcarî bidawî bibe, hevdem ev rêkevtin helwêsta me naguhere, çekdarên me çeperên xwe asê dikin, em ji deverê venakişin heta dilopa dawî ya xwîna me bi saya xwedê."