Li bajarê Efrînê di teqîna otomobîleke bombekirî de kesekî sivîl hat kuştin û kesekî din jî birîndar bû.
Li bajarê di teqîna otomobîleke bombekirî de kesekî sivîl hat kuştin û kesekî din jî birîndar bû.
Jêderekî ji bajarê Efrînê ji K24ê re ragihand, îro li çatrêya gundê Kefir Cenê yê ser bi navçeya Şera ve otomobîleke bombekirî teqiya.
Li gor zanyariyên wî jêderî, di teqînê de kesekî sivîl hat kuştin û kesekî din ê bi navê Mehmûd Mihemed Osman jî birîndar bûye.
Ji dema dagîrkirina Efrînê ji aliyê artêşa Tirkiyê û grûpên çekdar ên ser bi wê ve, rewşa ewlehiyê bi yekcarî tê çûye û her car teqîn rû didin û di encamê de jî welatiyên sivîl jî dibin qurbanî.
Berî 3 rojan jî taxên sivîlan û nexweşxaneya Şîfa ya Efrînê bi mûşekan hatin armanckirin û di encamê de 20 welatiyên sivîl hatin kuştin û nêzîkî 40 kesî jî birîndar bûn.