Li Dîlokê, îro serê sibehê polisan bi ser malên HDP û DBP’îyan de girt. Di çarçoveya lêpirsîna ku ji alîyê Serdozgerîya Komarê ya Dîlokê ve hatibû destpêkirin de polisan hevserokê HDP’ê yê bajar Mûsa Aydin û Hevserokê DBP’ê yê bajar Mehmet Vûral jî di nav de bi giştî 33 kesan binçav kirin. Hat hînbûn ku di nav kesên hatine binçavkirin de hevserokên HDP’ê yên navçeya Şahînbey û Şahîtkamîlê, 2 keya û parêzerek jî hene. Di kêlîya serdegirtinê de polisan derîyên hin malan şikandin û wisa kein hundir.