Îro girseyek Kurd ji her çar beşên Kurdistanê, li bajarê Dusseldorf yê Almanya, li meydana pêş parlamentoyê, jibo şermezarkirina êrîşên hukumeta demkî ya Sûrî û dewletên pişgir û çeteyên wekaletê, li ser taxên Kurd yê Helebê û êrîşên dewleta Îran bi giştî li dijî xelkên Îranê, bajar û navçeyên Kurdistanê pêşandanek girseyî lidarxistin.
Pêşandan bi rêzgirtina jibo şehîdên Kurd û Kurdistanê û sirûda neteweya Kurd Ey Reqîp destpêkir. Sîyasetmedarên mîna Bêrîvan Aymaz û civata Kurd, nûner, nivîskar û rewşînbîrên Kurd yên vê deverê ji herçar beşên Kurdistanê beşdarî vê xwepêşandanê bûn. Gelek axaftvan rayedarên hukumetên dewleta Sûrî û Îran bi tundî şermezar kirin, ji bo gelê Kurd hevkarî û piştgirîya xwe dîyar kirin.