Li navçeya Sûrê ya parêzgeah Amedê ya Bakurê Kurdistanê ji bo xêra Bavê Teyarê ku di êrişa Tirkiyeyê de şehîd ket 600 simît û ava fêkî hatin belavkirin.
Şanoger û lîstikvan Cûma Xelîl Îbrahîmê ku wekî Bavê Teyar tê naskirin 18ê Kanûna Paşîn a 2025an li Bendava Tişrînê di êrişa Tirkiyeyê de birîndar bûbû û roja 19ê Kanûna Paşîn li nexweşxaneyê çû ser dilovaniya xwe.
Xêrxazên li Amedê li navçeya Sûrê ji bo xêra Bavê Teyar 600 simît û ava fêkî belav kirin.
“Zaroktiya min bi fîlmên Bavê Teyar derbas bû”
Tayfur Birtaneyê ku simît belav kirin got:
“Zaroktiya min bi temaşekirina fîlmên komediyê yên Bavê Teyar derbas bû.
Hunermendekî hêja bû û karê xwe bi serkeftî dikir.
Em jî ji doh ve ji bo xêra wî simîtan û ava fêkî belav dikin.”