Serokê PAKê Mustafa Özçelik hevdîtinên xwe yên li Almanyayê berdewam dike.
Mustafa Özçelik li gel endamên Meclîsa PAKê M.Ali Yildirim û Sirac Kirici, di roja 19.01.2018an de li bajarê Oldenburgê seredana Mala Êzidîyan kir. Serokê Mala Êzidîyan Rêzdar Şahap Dağ û rêveber û endamên Mala Êzidîyan pêşewazîya heyeta PAKê kirin.
Heyeta PAKê di eynî rojê de li bajarê Oldenbûrgê civînek taybet bi dost û hevalên PAKê re li dar xist.
herweha di roja 19.01.2018an de li bajarê Bremenê bi nûnerên partîyên ji her çar çar perçeyên Kurdistanê û bi dost û hevalên PAKê re hevdîtinek pêk anî.
Serokê PAKê Mustafa Özçelik li gel endamên Meclîsa PAKê M.Ali Yildirim û Sirac Kirici,di roja 20.01.2018an de li Bajarê Celle ya Almanyayê li gel dost û hevalên PAKê civîneke taybet li dar xistin.
Roja 21.01.2018an Serokê PAKê Mustafa Özçelik li gel endamê Komîteya Birêvebirîya Navendî ya PAKê Feyaz Ekmen, endamên Meclîsa PAKê M.Ali Yildirim û Sirac Kirici li bajarê Kolnê li gel dost û hevalên PAKê civînek li dar xist.
Mustafa Özçelik di van hevdîtin û civînan de, di derbarê rewşa her çar parçeyên Kurdistanê û Tirkîyeyê, yekitîya sîyasî û rêxistinî, yekitîya netewî, Kongreya Netewî, Bloka Kurdî ya Hilbijartinê de bîr û ray û perspektîfên PAKê pêşkêş kir.
Hevdîtin û civîn di atmosfereke germ, welatperwerane û dostane de, bi awayekî berhemdar derbas bûn.