Li bajarê Pîranşar yê Rojhilatê Kurdistanê kolberekî kurd ji aliyê pasdarên Îranê ve hat kuştin. Pasdar nahêlin malbata wî termê kurê xwe bibin!
Duh danê êvarê, li bajarê Pîranşarê û li ser sînorê Rojhlat û Başûr, pasdarên Îranê komek kolberên kurd dan ber guleyan.
Li gorî agaihyên malpera Hengaw, di wê êrişê de kolberek hat kuştin û herî kêm 20 hespên kolberan jî ji aliyê pasdaran ve hatin kuştin.
Navê wî kolberê ku hatiye kuştin, Faxir Ebdullahî (25 salî) û xelkê bajarê Pîranşarê bûye.
Tê gotin, piştî ku malbata wî kolberî zanîn kurê wan hatiye kuştin, xwastin biçin cihê rûdanê lê pasdaran gule avêtin wan û nehîştin biçin wir.
Li gorî agahiyan, piştî wê, malbata wî kolberî ambulans biribûn bo ku termê kurê xwe pê bibin lê dîsa jî pasdaran gule avêtibûn wan û ji wan re gotibûn, heta sipah rizamendiyê nede em term nadin! Ji ber wê jî heta niha termê wî kolberî li erdê maye.