Belgefîlma bi navê “Kirasê ji Agir” a li ser jiyana Xalid Begê Cibirî hat amadekirin.
Çêker û derhênerê belgefîlmê Keremo ye ku heta niha gelek belgefîlmên bi Kurdî li ser dîrok û kelepûra Kurdan amade kirine û xwedî gelek xelatan e.
Amadekirina belgefîlmê nêzîkî 2 salan ajotiye.
Girtina fîlmê li Tirkiye, Ewropa û Bakurê Kurdistanê hatiye kirin.
Di nava fîlmê de gelek belge, materyal û agahiyên nû hene.
Mijara belgefîlmê bêhtir li ser damezirandin û xebatên Cemiyeta Îstiqlalê û Îstiqlala Kurdistanê ye ku wekî Cemiyeta Azadiyê jî tê naskirin.
Ev belgefîlm gelek tiştên ku nayên zanîn zelal dike.
Keremo cara yekem e ku di projeyeke xwe de sûd ji hişê çêkirî wergirtiye.
Ji bo vê projeyê bi 20 kesan re hevpeyvîn hatine kirin ku 3 ji wan biraziyên Xalid Beg in û kesên din hemû jî lêkolîner û akademîsyen in.
Derhêneriya dîmenan Sercan Yurek, montaj û edîtorî jî ji aliyê Îlyas Kaya û Kurdo Zanyar ve hatine kirine.
Belgefîlm 90 xulek e û dê galaya xwe ya yekem Çiriya Pêşînê li Amedê bike.