Li gor ANHAyê 309 kesayetên niştimanî, civakî, rûspiyên eşîran ên ji herêmên cuda yên Kantona Cizîrê, li hev civiyan û li ser ragihadina Federaliya Rojava – Bakurê Sûriyeyê û geşedanên li herêmê axivîn.
Civîna bi pêşengiya Buroya Têkliyên Giştî ya Tevgera Civaka Demokratîk (TEV- DEM) ya Kantona Cizîrê li salona Beylesan a li başûrê bajarê Amûdê hat lidarxistin. Di civînê de 309 kesayetên civakî û rûsipiyên êl û nûnerên ji pêkhateyên cuda yên Kantona Cizîrê bêşdar bûn.
Di civînê de rûsipî û nûnerên van herêman amede bûn: Herêma Tirbespiyê, Herêma Girkê Legê, Herêma Til Temir, Herêma Serêkaniyê, Herêma Hesekê, Şedadê, Hol û Til Berek, Herêma Derbesiyê, û Herêma Qamişlo.
Herweha nûnerên Dêrên Xiristyanan ên Suryanan, Kildan û Asûriyan û Nûnerê Ermenên Otodoks ên li Cizîrê û Firatê Entranîk û hejmarek keşe jî hazir bûn.