Navenda Nûçeyan- Partîya Karkeran ya bi seroktîya Jeremy Corbyn ji 1935an vir ve têkçûna xwe ya herî mezin dît.
Boris Johnson, piştî serketina di hilbijartinê de serdana Qralîçe Elizabeth ya duyem kir û ji wê destûra avakirina hikûmetê sitand.
Partîya Parêzgeran ji 650 kursîyên parlamentoyê 364 bi dest xistine û Johnson dide zanîn bi vî awayî astenga li pêş derketina ji Yekîtîya Ewrupa (YE) rabûye.
Karbidestên YE’ê dîyar dikin ku ew li bendê ne ku Parlamentoya Brîtanya demûdest Brexitê bipejirîne.