Hêzên asmanî yên Îsraîlê, şeva borî êrîşî herêmên derdora Şamê kirin.
Li gor ajansa SANA ya fermî ya Hikûmeta Sûriyê, nîvê şeva borî derdora 01, sîstemên berevaniya asmanî yên artêşa Sûriyê, rûbirûyê êrîşeke asmanî ya hêzên Îsrailî bûne.
Ajansê destnîşan kiriye, êrîş bi moşekan ji bo ser derdora Şama paytext hatiye kirin û sîstemên berevaniyê piraniya wan moşekan berî ku bigihîjin armancên xwe, jinav birine.
Çavkaniyeke serbazî ji SANA re aşkere kiriye, ku di encama êrîşê de 4 serbazên Sûrî birîndar bûne û hin zerar û ziyanên maddî jî çêbûne.