Hikûmeta Îsraîl bi serokatiya Binyamîn Netanyahu bi rengekî yekalî di şerê li dijî Hemas de agirbest ragihand.
Qasekî beriya niha kanala televîzyonî ya 13 ya Îsraîl ragihand, hikûmeta Îsraîl pêşniyara agirbesta yekalî ya serokwezîr Binyamîn Netanyahu pesend kiriye û dê agirbest ji demjimêr 02:00 bi dema Tel Avîvê bikeve piratîkê.
Hikûmeta Îsraîl ragihandiye, biryara agirbest piştî hevdîtin bi hikûmeta Misrê re hatiye dayîn.
Ev çend roj bûn hikûmeta Misrê bo sekinandina şerê Îsraîl û Hemas navbeynkarî dikir.
Heta niha nayê zanîn helwesta Hemas dê çi be.
11 roj in di navbera Îsraîl û Hemas de şerekî tund heye. Heta niha bi sedan kes hatine kuştin û gelek kes jî birîndar bûne.