Wezîrê kar û barên derve yê Îsrailê Gideon Saar bi sedema ku serokê Fransayê Emmanuel Macron, hewl dide ku dewleta Fîlîstînê nasbike, daxwaza Macron ya seredana Îsraîlê qebûl nekir. Saar got ku heya ev tewrê Macron dewam bike wê qebûl neke ku Macron seredana Îsraîlê bike.
Li gor ragihandina wezareta karên derve ya Îsraîlê; wezîr Saar û wezîrê karên derve yê Fransayê Jean-Noel Barrot di rêya telefonê de axifîne.
Di wexta axaftinê de wezîr Saar ji wezîrê Fransayê Barrot re gotiye heya Macron hewl bide ku dewleta Fîlîstînê nas bike, dê nikaribe Îsraîlê ziyaret bike.