Berdevkê Wezareta Derve ya Iraqê Ehmed Sehaf ragihand, Iraq helwesta xwe derbarê girîngiya vegera Sûriyê bo nav Komkara Erebî de nû dike.
Ehmed Sehaf eşkere kir: “Roja Yekşemê 7ê Gulana 2023an civîna Komkara Welatên Erebî li ser asta wezîrên derve bi beşdariya Wezîrê Derve yê Iraqê Fûad Husên, ji bo gotûbêjkirina mijarên Sûriye û Sûdanê dê birêve biçe.”
Sehaf diyar kir, Iraq helwesta xwe li ser pirsa Sûriyê nû dike li gel girîngiya vegera wê bo Komkara Erebî, bi vê yekê asayîş û seqamgîriya welat dê bihêztir bibe, herwiha derbarê Sûdanê de jî got: “Em gotûbêjan wek rêya çareseriyê dibînin ji bo bidawîanîna vê rewşa niha ya Sûdanê.”