Girtiyekî Kurd ê bi navê Rehman Elî Ekberî li Zîndana Dîzilavayê ya Kirmaşanê hat bidarvekirin.
Rehman Elî Ekberî bi tohmeta “madeyên hişbir” bi îdamê hatibû mehkûmkirin.
Li gorî agahiyên Rêxistina Mafên Mirovan a Hengawê, Rehman Elî vê berbangê hatiye bidarvekirin.
Rehman Elî Ekberî 35 salî bû xelkê gundê Engezê yê parêzgeha Kirmaşanê bû.
Ev girtiyê Kurd, 5 sal berê bi tohmetên girêdayî madeyên hişber hatibû desteserkirin.
Ew paşê ji aliyê sîstema dadwerî ya Îranê ve bi cezayê bidarvekirinê hatibû mehkûmkirin.
Li gorî amarên ku Navenda Amar û Belgeyan a Hengawê tomar kirine, tenê di meha tebaxa îsal de li zîndanên Îranê herî kêm 152 girtî hatine bidarvekirin ku 24 ji wan Kurd bûn.