Ji ber mûşekên ku ji Îranê ve hatin avêtin, li navend û başûrê Îsraîlê li gelek bajaran dengê sîrenan bilind bû.
Artêşa Îsraîlê di daxuyaniyekê de ragihand ku wan destnîşan kiriye mûşek ji Îranê hatine avêtin û pergalên parastina asmanî hewl didin mûşekên Îranê biteqînin.
Dengê sîrenan li gelek bajarên başûr û navenda Îsraîlê, li Qudisa Rojhilat û Şerîeya Rojava hat bihîstin.
Dema ku pergalên parastina asmanî mûşekên Îranê li asmanan diteqandin, li asman dengê teqînên mezin hat.
Sedema êrişê û tolhildan
Artêşa Îsraîlê êrişî herêma Dahiyayê ya Beyrûta paytexta Libnanê kiribû. Berpirsên Îranê li ser vê êrişa Îsraîlê bertek nîşan da û ragihand ku ew dê bersivê bidin.
Sê pêlên mûşekan
Bi şev sê pêlên mûşekan ji Îranê ve hatin avêtin û li gelek bajarên bakurê Îsraîlê dengê sîrenan hat.
Hat ragihandin ku nêzîkî 10 mûşekan ji Îranê ber bi Îsraîlê ve hatine avêtin.
Artêşa Îsraîlê jî eşkere kir ku wan êrişî navend û rojavayê Îranê kiriye.