Hat ragihandin ku teqînek li nêzîkî Zahîdan li Sîstan û Belocistana Îranê çêbû û di encamê de 27 kes hatin kuştin û 20 kes jî birîndar bûn.
Li gor zanyariyan, bombeyek bi otobuseke hêzên Supaya Pasdaran de teqiya.
Biryargeha Quds a Supaya Pasdaran a Îranê li ser bûyerê daxuyaniyek belav kir û ragihand ku vê êvarê otobuseke ku têde hêzên parastina sînor hebûn, li ser rêya Xaş – Zahîdan bûne armanc û hejmarek ji hêzên Biryargeha Quds a hêzên bejahiyê yên Supaya Pasdaran jiyana xwe ji dest dane û hejmarek jî birîndar bûne.
Piştî teqînê Rêxistina Ceyşul Edil berpirsyariya xwe di ber teqînê de ragihand.