Navenda Nûçeyan - Îro 06.05.2020ê kanala KAN a fermî ya Îsraîlê bi zimanê çavkanîyekî wezareta berevanîya Îsraîlê ve ragehand, milîsên Îranê piştî zêdebûna bombebaranên balefirên şer ên Îsraîlê li ser wan, dest bi vala kirina binke û baregahên xwe yên li Sûrîyê kirine.
Heman çavkanîya wezareta berevanîya Îsraîlê amaje bi wê yekê jî kir, ku sedemê vala kirina binke û baregahan ji alîyê hêz û milîsên Îranê ve li Sûrîyê, ji ber ew bombebaranên berdewam ên Îsraîlê li ser wan grub û çekdarên Îranê ye, bi taybet bombebaran şeva duşemê û şûnde, dest bi vala kirina baregahên xwe kirine.
Berpirsên payebilindên Îsraîlê hebûna hêzên Îranê li Sûrîyê wek metirsîyê bo ser asayîşa welatê xwe dibînin û berdewam behs dikin ku rê nadin Îran desthilat be li Sûrîyê.