Navenda Nûçeyan- Serokê encumena asayişa niştimanî ya Îranê, Elî Şemxanî ragihand, ew xwe amade dikin tola Qasim Sulêymanî ji Amerîka vekin.
Elî Şemxanî da zanîn, 13 senarîyoyên wan bo vekirina tola Sulêymanî hene û got, lawaztirîn senarîyo dê bibe kabûsek dîrokî bo Amerîka!
Şemxanî agahîyên zêde li ser wan senarîyoyan neda û ragihand, helbet tola Qasim Sulêymanî dê tenê êrişek yan jî operasîyonek nebe.
Wî berpirsê pilebilindê Îranî daxwaz ji hêzên Amerîkî kir “li ser lingan” ji Rojhilata Navîn derkevin, eger na dê wan “dirêj kirî” (qesta wî kuştina wan e) bavêjin derve!
Basnews