Hêzên Sûriyeya Demokratîk (HSD) ragihand ku komên çekdar ên girêdayî hikûmeta Sûriyeyê êrişî xaleke wan a li çoltera Dêrezorê kiriye.
Li gorî daxuyaniya HSDyê, di êrişa ku bi dronekê li gundê Meratê pêk hatiye de şervanekî wan şehîd ketiye û 9 şervan jî birîndar bûne.
HSDyê da zanîn ku hêzên wan bersiva êrişê daye û li çeperên komên çekdar ên li aliyê din ê Çemê Feratê dane.
Navenda Ragihandinê ya HSDyê ev daxuyanî belav kir:
"Komên çekdar ên girêdayî hikûmeta Şamê bi dronekê êrişî xaleke me ya li gundê Meratê yê li çoltera rojhilatê Dêrezorê kir.
Di encama êrişê de şervanekî me şehîd ket û 9 şervanên din jî bi awayên cuda birîndar bûn.
Hêzên me wekî bersiveke demildest, çavkaniyên êrişê kirin hedef û li çeperên komên êrişkar ên li aliyê din ê Çemê Feratê dan û ziyan gihandin refên wan."