Cîgirê sekreterî giştî yê Hîzbullahê Naim Qasim ragihand ku plana Trump ya ji bo çareseriya li Xezzayê li gor berjewendiyên Îsraîlê hatiye çêkirin. Qasim got:
“Îsraîl li gor planê xwe yê stratejik tevdigere û DYA vê planê destek dike. Her plana ku çêdikin xizmetê ji plana mezin ya Îsraîlê re dike û perçeyekî jê ye. Her vekişîna Îsraîlê taktîke ku bendeye şertên baştir ji bo Îsraîlê amade be.”
Qasim got plana Trump dike ku grûbên Fîlîstîniyan ji herêmê paqij bike û dewam kir:
“Di nav qilifê Amerîka de planê Îsraîlê heye. Planê Amerîkayê ew e ku sûcên Îsraîl dike ji bo bertekên li hemberê êrîşên Îsraîlê tên kirin nerm bike û ji bo sipîkirina Tel Avivê ye.
Îro piraniya dinyayê destekê dide avakirina dewleta Fîlîstînê û li hemberê komkujiyê dertê. Em ê bende bin bê Fîlîstînî dê bersivekî çawa bidin planê lê em dizanin di ferhenga wan de teslîmiyet nîne.”