Serokê Giştî yê Partîya Welatparêzên Kurdistanê (PWK) Mustafa Ozçelîk, ji bo peywendîyên bi hinek partîyên Danîmarkî û li dar xistina semînerekê li Danîmarkayê ye.
Di çerçoweya vê seredanê de, roja 28.11.2025ê, li Parlamentoya Danîmarkayê, Serokê Giştî yê PWKyê Mustafa Ozçelîk, Serokê Meclîsa PWK Ewropayê Merd Baran Boskan, endamê Komîteya Birevebir a Navendî ya PWKyê Mîrza Akar, Berpirsê Komîteya Danîmarkayê ya PWKyê Adnan Axacan û endama Komîteya Danîmarkayê ya PWKyê Selma Akar, bi Berpirsê Komîsyona Peywendîyên Derve a Partîya Çep karsten Hoge û alîkara wî Halîme Ogûz re hevdîtin pêk anîn.
Partîya Sosyalîst a Gel nuha di Parlamentoya Danîmarkayê de partîya sêyem e, xwedî 18 kursîyan e.
Heyeta PWKyê di derbarê çareserîya pirsa kurd û Kurdistane, daxwazên acîl ên miletê Kurd, doza girtinê ya di derbarê PWKyê; li ser rewşa Başûr, Rojava û Rojhilatê Kurdistanê agahdarî da û di van waran de bîr û rayên PWKyê anî zimên.
Heyeta PWKyê bal kişand ser helwesta Dewlet Tirkîyeyê ya ku şerh danîye ser gelek peymanên navneteweyî yên ku îmze kirîye û pêwîstîyên wan bi cîh nayne.
Heyeta PWKyê di derbarê ‘’pêvajoya nû’’ ya ku nuha li Tirkîyeyê tê meşandin, agahdarî da û bîr û rayên PWKyê anî zimên.
Heyeta PWKyê, girîngî û rola gel û Dewleta Danîmarkayê ya di derbarê piştgirîya mafên neteweyî yên miletê Kurd anîn zimên û bal kişand ser wê yekê ku Dewleta Danîmarkayê û dewletên Ewropayê divê bi awakî xurtir piştgirîya mafên neteweyî, demokratîk, kulturî û mirovî yên miletê Kurd bikin.
Nûnerên Partîya Sosyalîst a Gel jî di derbarê siyaset û xebatên partîya xwe yên di warê mafên miletê Kurd û pêkanîna demokrasîya li Tirkîyeyê de anî zimên.
Nûnerên Partîya Sosyalîst a Gel girîngî û berdewamîya peywendîyên wan ên li gel PWKyê anîn zimên.
Heyeta PWKyê jî ji bo van hevdîtinan spasîya Partîya Çep kir û girîngiya peywendîyên bi herdu alîyan re anîn zimên.
Hevdîtina heyeta PWKyê û Partîya Sosyalîst a Gel di atmosfereke samîmî û berhemdar de bi dawî hat.
Buroya Ragehandinê ya Partîya Welatparêzên Kurdistanê (PWK)