Roja 20.09.2021ê heyeteke PAKê ya ku ji Serokê Giştî yê PAKê Mustafa Özçelik, Cîhgirê Serokê Giştî yê PAKê Kasım Ergün, Berpirsê Komîsyona Ciwanan a PAKê Zafer Kizil, endamê Meclîsa PAKê Husamettin Acar, rêvebirên Teşkîlata Wanê ya PAKê Muzafer Kizil, Bahattin Ayaz pêk hatî, seredana Teşkîlata Wanê ya PSKyê kir.
Serokê Teşkîlata Wanê yê PSKyê Tayip Kizilyildız, endanên Meclîsa PSKyê Mehmet Baydar û Fevzî Kizilyildiz , damezranerê PSKyê İlhan Guneri û rêvebirin PSKyê yên Wanê pêşewazîya heyeta PAKê kirin.
Heyeta PAKê serkeftin ji xebatên PSKyê yên li Wanê xwest.Heyeta PSKyê jî ji ber vê seredanê sipasîya xwe pêşkêşî heyeta PAKê kir.
Heyeta PAKê û PSKyê di heqê rewşa Bakurê Kurdistanê, Tirkîyeyê, Rojava, Başûr û Rojhilatê Kurdistanê û sîyaseta dewletên cîhanê û herêmê de, herweha di derbarê pêwîstîya hevkarî û tifaqa neteweyî ya li Bakurê Kurdistanê de bîr û rayên xwe anîn ziman.
Hevdîtina heyeta PSKyê û PAKê di atmosfereke dostane , germ û berhemdar de derbas bû
20.09.2021
Buroya Çapemenî û Ragehandinê ya PAKê