Endamên Komîteya Birêveberîya Navendî ya PAKê Evdirehman Gundikî û Orhan Kaya roja 09.03.2017an, li Dihokê seredana Liqa 1 a PDKyê û li Şêxan jî seredana Liqa 20 a PDKyê kirin.
Heyeta PAKê li Liqa 1 a PDKyê ji alîyê berpirsê nû yê Liqê rêzdar Serbest Tirwanişî û rêveberên Liqê, li Liqa 20 a PDKyê jî ji alîyê berpirsê nû yê Liqê rêzdar Mehmûd Haşim Lîyaz û rêveberên Liqê ve hate pêşewazî kirin.
Heyeta PAKê ji bo wazîfeya wan ya nû rêzdaran Serbest Tirwanişî û Mehmûd Haşim Lîyaz pîroz kirin.
Rêzdaran Serbest Tirwanişî û Mehmûd Haşim Lîyaz û rêveberên Liqa 1 û Liqa 20 bi pêşewazîyeke germ û dostane spasîya heyeta PAKê kirin.
Di herdu hevdîtinan de jî di derbarê peywendîyên herdu partîyan û rûdanên li her çar perçeyên Kurdistanê de herdu alîyan bîr û rayên xwe anîn ziman.