Wezîrên derve yên welatên endamên Hevpeymaniya Navdewletî ya dijî DAIŞê ya li Iraq û Sûriyê, civînekê pêk tînin.
Wezîrên derve yên welatên endamên Hevpeymaniya Navdewletî ya dijî DAIŞê ya li Iraq û Sûriyê, civînekê pêk tînin.
Berdevkê Wezareta Derve ya Amerîkayê di daxuyaniyekê de diyar kir ku Wezîrê Derve Antony Blinken ligel Cîgirê Serokwezîrê Belçîkayê û Wezîrê Derve yê Belçîkayê dê serperiştiya civîna berfireh a wezîrên derve yên welatên endamên Hevpeymaniya Navdewletî ya dijî DAIŞê bikin.
Civîn dê di 30ê Adarê de bi rêya vîdyo-konferans birêve biçe. Armanca civînê ew e ku hewlên berdewam ên helmeta li dijî DAIŞê ya bi mebesta jinavbirina yekcarî ya vê rêxistinê, binirxînin.
Ev di demekê de ye ku îro Berdevkê Hevpeymaniya Navdewletî Wayne Marotto li ser hesabê xwe yê Twitterê ragihand: “Di meha Adarê de, hevbeşên me li Iraq û Sûriyê, 50 operasyonên li dijî DAIŞê encam dane.”
Wayne Marotto herwiha eşkere kiriye: “Operasyonan rêgirî li encamdana 62 kiryarên terorîstî kiriye.”