Navenda Nûçeyan-Duh di civîna Parlamentoya Iraqê ya taybet derbarê derxistina hêzên bîyanî yên li Iraqê de, bi biryara serokê Parlamentoya Iraqê Mihemed Helbûsî ve beşek ji weşana televîzyonê hate rawestandin û îro beşek ji daxuyanîyên Helbûsî aşkera bûn, ku behsa metirsîyekî mezin dike.
Îro çapemenîya Iraqê beşek civîna pêr 05.01.2020ê ya li parlamentoyê bidest xist, ku weşana televîzyonê hatibû rawestandin û Helbûsî serokatîya civînê ji cîgirê xwe re dihêle û bixwe tê xwarê û li gel endamên parlamentoyê rûniştîye û hewl dide bawerî bi wî bê, ku pêşnûmeya derxistina hêzên bîyanî li Iraqê nepejirînin.
Helbûsî, rasterast ji parlamenterên amade yên di civînê de ne ji wan re dibêje: ‘’Ev biryara îro ji parlamentoyê derbikeve, biryarekî temamî şîeyî ye, min dixwest biryarekî Iraqî be. Lê mixabin sunne, kurd û pêkhateyên din beşdarî nekirin.’’
Herwaha dibêje: ‘’Agahdar bin, biryara derxistina hêzên Amerîkayê, di qonaxa yekem de dê bibe ragirtina danûstandinên darayî yên welatên navnetewî li Iraqê û dibe ku Iraq nikaribe xwe li hember vê bigre.’’
Basnews