5 partiyên li Parlamentoya Herêma Kurdistanê derbarê hebûna leşkerên Tirk li herêma Başîqa ya Mûsilê de ragihand, helwesta Tirkiyê deryasayî ye û li dijî qanûna bingehîn e.
Her penc partiyên li Parlamentoya Herêma Kurdistanê, Yekîtiya Niştimanî ya Kurdistanê (YNK), Tevgera Goranê, Partiya Yekîtiya Îslamî ya Kurdistanê (Yekgirtû), Partiya Kominist a Kurdistanê û Partiya Tevgara Îslamî (Bizutnewe) derbarê hebûna leşkerên Tirkiyê li herêma Başîqayê de daxuyaniyekê hevpar da.
Di daxuyaniya hevpar a her 5 partiyan de hat gotin ku hebûna leşkerên Tirk ên li Herêma Kurdistanê ne yasayî ye û biryara Parlamentoya Kurdistanê hatiye binpêkirin û daxwazkirin ku di zûtirîn demê de leşkerên Tirk derkevin.
Berdewamiya daxuyaniyê de tê gotin: "Niha beşek leşkerên Tirk sînor derbas kirine û di nava xaka Herêma Kurdistanê de bi cih bûne. Ji ber vê yekê hebûna van hêzan deryasayî ye. Binpêkirina biryara parlamentoya Herêma Kurdistanê ye û binpêkirina serweriya xaka Herêma Kurdistanê ye. Em daxwaza dikin ku ew hêza Tirkiyê di zûtirîn demê de vegere Tirkiyê.”