Nûnerê Taybet ê Serokê Amerîkayê Donald Trump ê Rojhilata Navîn Steve Witkoff got, "Hamas amade ye ku çekan deyne." Lêbelê, Hamasê daxuyaniya Witkoff red kir. Hamasê serdana Witkoff a roja Înê ya navendeke belavkirina xwarinê li Xezzeyê jî şermezar kir.
Hamasê îdiayên Nûnerê Taybet ê Serokê Amerîkayê Donald Trump bo Rojhilata Navîn Steve Witkoff, ku digot "Hamas amade ye ku çekan berde" red kir.
Hamasê diyar kir, "Heya ku dagirkeriya Îsraîlê bidome, em careke din destnîşan dikin ku berxwedan û çekên wê mafekî neteweyî û qanûnî ye. Heta ku hemû mafên me yên neteweyî neyên bidestxistin, bi taybetî avakirina dewleteke Filistînê ya serbixwe û bi tevahî xwedî serweriya ku paytexta wê Quds e, em ê tu carî dest ji vî mafî bernedin."
Hamasê serdana Witkoff a xaleke belavkirina alîkariyê ya girêdayî Weqfa Alîkariya Mirovî ya Xezzeyê ya ku ji hêla Amerîkayê ve tê kontrolkirin şermezar kir. Di peyama şermezarkirinê de wiha hat gotin, "Serdan performansek şanoyî ye. Armanc ew e ku raya giştî bixapînin, wêneya dagirkeriyê xera bikin û kuştina sîstematîk a sivîlan bidomînin."
Herwiha Hamasê diyar kir ku rêveberiya DYAyê şirîkê qirkirina li Xezzeyê ye.
Kurdistan Haberleri
Sûdanî: ‘Çarşema Sor’ li Iraqê dê bibe tatîla fermî
Fuad Hisên: Me gelek bizav kirine ku komkujiya Êzidiyan li ser asta navneteweyî wekî jenosîd bê naskirin
DIHOK - 4 kes di Çemê Xazirê de xeniqîn
Daraza Îranê 6 mehkûman îdam kir ku 3 ji wan Kurd in
Piştî 11 salan, hîn jî 325 hezar Kurdên Êzidî li kampan dijîn