Navenda Nûçeyan- Rêberê olî yê Îranê Alî Hamaney li ser êrîşên bi mûşekan bi ser bingehên Amerîka li El-Esed daxûyanîyek da.
"Ew weke sîleyê bû li ruyê Amerîka " got Hamaney.
Wî îda kir pergala cîhanê diguhere û guhertinên mezin dê çêbin.
Hamaney pesnê Qasim Silêmanî da ku û got bi kuştina wî berxwedanek destpêkir û divê hebûna Amerîka li Rojhelata Navîn bidawî bibe.
Ji alîyê dinê ve Brîtanya jiber êrîşan Îranê şermezar kir û banga aramîyê kir.
"Em êrîşên Îranê yên bi ser bingehên ku leşkerên hevpeymanîyê pêk hat şermezar dikin. Di nav lekerkan de hêzên Birîtanya jî hene. Em bi lezgînî bang li Îranê dikin ku van êrîşên bi xeter û bê hed dubare neke alozîyê zêde neke" got Wezîrê Derve yê Brîtanya Dominic Raab.
Danîmarka û Norwec jî ragihandin ku di êrîşê de tu zîyanek bi leşkerek wan nebûye.
Ajansa Anadoluyê ragihand ku Wezîrê Derve yê Tirkîye Mevlut Çavuşolgu jibo kêmkirina alozîyê roşa Pêşemê diçe îraqê.
Dengê Amerîka