Serokwezîrê ji Partîya Sosyal Demokrat a Avusturyayê Christian Kern, ewê hewl bide ku pêvajoya endambûna Tirkiyê ji bo Yekîtiya Ewropayê(YE) bi dawî bibe.
Serokwezîrê Avusturyayê Christian Kern di hevpeyvînek xwe de ragihand ku, pêvajoya guftûgoyên endambûna Tirkiyê ji bo Yekîtiya Ewrûpayê xeyalên dîplomatîk in û pêwîst e ev pêvajo were sekinandin. Ji ber ku şert û mercên demokratîk bi tena serê xwe têr nake.
Kern got ewê vê mijarê di zîrveya Yekîtiya Ewropayê ya 16’ê Îlonê de ligel Serokên Ewrûpîyan biaxive.
Serokwezîrê Avusturyayê berî niha jî derbarê Tirkiyê de daxuyaniyên tund dabû û diyar kiribû ku, Tirkiye ji aliyê aborî ve pêwîstiya wê bi Yekitiya Ewropayê heye. Ger Tirkiye dijîtiya Yekîtiya Ewropayê bike, ewê aboriya wê têk biçe.