Serokê rejîma Sûriyê Beşar Esed ji ajansa rûsî RİA Novosti re daye xuyakirin, heger piştî tunekirina terorîstan Amerîka û Tirkiye ji Sûriyê dernekevin, wê gelê Sûrî li hember wan dest bi serhildana rewa bike.
Esed di hevpeyvînê de îdia dike ku ‘Beşek mezin ji cîhanê dizane Amerîkayê DAIŞ ava kiriye û xwediyê lê dike û fermanan dide DAIŞê.”
Herwiha Esed gotiye, divê ew ji behaneya DAIŞê xwe xilas bikin û dibêje: “Ji ber vê jî tunekirina terorîstan li Sûriyê karê pêşîn e. Heger Amerîkî û Tirk piştî wê jî neçin, wê bi awayekî meşrû serhildana gel dest pê bike. Ev yekane rê ye… Ya ku li Iraqê bûye jî ev e. Ma çi bû sedem ku Amerîkî sala 2007an ji Iraqê derkevin. Berxwedana gelê Iraqê.”
Esed rêkeftinên Amerîkayê yên bi Kurdan re jî wekî dizî û talaê nirxand û got, ‘Tenê rêyek heye ku em erdên xwe ji wan rizgar bikin.”